पुणे : औषध निर्मितीत उपयुक्त असणाऱ्या अँपुल सीलिंग मशीनच्या संशोधित डिझाइनचे पेटंट पुण्यातील प्रा. रजत सय्यद यांना मिळाले आहे. प्रा. रजत सय्यद महाराष्ट्र कॉस्मोपॉलिटन एज्युकेशन सोसायटीच्या अल्लाना कॉलेज ऑफ फार्मसीमध्ये प्राध्यापक असून, त्यांनी संशोधन करून हे स्वस्त आणि सहज हाताळता येणारे मशीन तयार केले आहे. भारत सरकारच्या कंट्रोलर जनरल ऑफ पेटंट्स अँड ट्रेड मार्क्स विभागाने त्यांच्या या मशीनच्या पेटंटसाठीच्या अर्जाला मान्यता दिली आहे.
प्रा. सय्यद यांच्या या यशाबद्दल महाराष्ट्र कॉस्मोपॉलिटन एज्युकेशन सोसायटीचे अध्यक्ष डॉ. पी. ए. इनामदार, अल्लाना कॉलेज ऑफ फार्मसीचे प्राचार्य डॉ. किरण भिसे यांनी त्यांचे अभिनंदन केले.
